Մենք շատ զգայուն ենք պրեմիում սպիրտի համի, տեսքի և զգացողության նկատմամբ:

Արտադրությունը սկսվում է հատապտուղների և մրգերի բերքահավաքից՝ հուլիսի վերջից մինչև նոյեմբերի 1-ը։ Dilvados օղիների յուրահատկությունն այն է,որ մեր բաղադրատոմսերում օգտագործում ենք միայն վայրի հատապտուղներ և մրգեր։Մրգերի մանրակրկիտ ընտրությունն արտադրության մեջ ամենակարևոր մասն է,քանի որ կա հայկական ասացվածք՝«ինչ ցանես,այն էլ կհնձես»։
Բերքահավաքից հետո պտուղները գնում են հասունացման ավելի լավ բուրմունք և համ ստանալո ւ համար։Մրգերի հյութը խմորվում է միայն բնական եղանակով,առանց խմորիչների և հավելումների։
Խմորման գործընթացը տևում է մի քանի օրից մինչև նույնիսկ ամիսներ,որը կապված է թե ինչպիսի վերջնական արտադրանք ենք ցանկանում։
Թորումը երկրորդ կարևոր մասն է և ամեն մրգային գինու թորում ունի իր թորման առանձնահատկությունը։
Առաջին թորման արդյունքում ստացվում է միջանկյալ արտադրանք,որը հայտնի է որպես «low wine» անվանմամբ։Երկրորդ թորման արդյունքում ստանում ենք 70-75% թնդության մրգային սպիրտ,որն անգույն է և ունի թույլ մրգային բուրմունք։
Վերջին փուլը,որը կոչվում է երիտասարդ սպիրտների հասունացման փուլ,դա հատուկ նախատեսված ապակյա տարաներում մրգային սպիրտների ոչ տակառային հնեցման փուլն է,որի ժամանակ այն անցանկալի նյութերը,որոնք դեռևս պահպանվում են սպիրտում,ժամանակի ընթացքում սկսում են ցնդել,թթվածնի հետ շփման հետևանքով։